Paijo karo Darmo (2)

*) Paijo= P    Darmo= D
Ceritane Paijo bar maca berita nang internet bahwa 1 dari 12 orang nang Indonesia terjangkit AIDS. Bar maca berita kuwe Paijo langsung praktek owh.
P: Mo, ente pasti kena AIDS owh ya?
D: Ngawag, ngerti sing endi ente Jo?
P: Soale aku maca berita nang Internet, 1 dari 12 uwong Indonesia kuwe terjangkit AIDS.
D: Terus, bisane ente nyimpulna aku kena AIDS? Hubungane apa karo berita kuwe?
P: Soale aku wis takon maning 11 uwong, terus laka sing kena AIDS. Berarti ente sing kena AIDS, soale ente wong nomer 12 sing tak takoni.
D: Paijo...Paijo....Mbuh bae lah, sak karep...karepmu...

Paijo karo Darmo

*)Paijo= P   Darmo= D


Cerita Hantu
P: Mo, kowen ngerti belih Mo? lagi bengi aku ketemu karo setan.
D: Belih ngerti, Mbuh bae.
P: Aja kaya kuwe owh Mo, enyong kan pan cerita.
D: Iya-iya, dih melasi nemen. Wis owh lanjut ceritane.
P:  Lagi bengi enyong ketemu kuntilanak Mo.
D: Nang ndi?
P: Nang jembatan Mo, lagi njagong.
D: Mesti bar kuwe kowen mlayu, wedinen trus nguyuh nang katok.
P: Ya ora lah Mo.
D: Loken???
P: Malah kuntilanake sing wedinen weruh aku koh.
D: Kowen ngerti sing endi,kuntilanake wedinen karo kowen Jo?
P: Wong aku ndeleng raine kuntilanake pucet nemen koh pas weruh aku.
D: Paijo...Paijo....@#!$%^&

Motivasi

   Dina kiye kan ana Mario Teguh nang tipi. Wong Indonesia sing esih bujang biasane ngerti sing arane Mario Teguh kuwe sapa. Tapi sing gawe aneh sing ngerti ya bisane rata-rata kur cah enom ya??? Apa jangan-jangan cah enom nang Indonesia kuwe ora bisa motivasi awake dewek? Kudu nonton acarane Mario Teguh, kayonge angger ora nonton kaya ana sing kurang. Apa kanggo bandingan, apa kur nggo ngehibur awake dewek. Sing luwih aneh, padahal kan wis pada gede, bujang, wong-wong kuliahan lah rata-rata sing nonton. Angger bar nonton ya cerita-cerita maning endi-endi. Padahal sing diceritani, pada bae nontone. Dadi kelingan kaya pas lagi cilik nonton film satria baja hitam atawa ultramen, Karo kancane cerita-cerita "iya apik nemen yah, apa maning pas lagi berubah karo lawan musuhe, Ciat-ciat!". Padahal sing di ceritani ya pada bae nonton.

   Angger ndeleng kancane aku sing kaya kuwe sering gemuyu dewek enyong sung. Ning pan mulai atawa pas lubar acarane, mesti ana bae nang facebook atawa twitter sing nulis status-status aneh tentang acara kuwe, pan nonton lah, ora bisa nontonlah, acarane apik dadi nambah motivasi apa bae lah. Pokoke kayonge kurang gaul lah ning ora update status tentang acara motivasi kuwe.

   Angger enyong tah nonton ora nonton ya pan belih bae, sing penting urip, sehat, sukses, pokoke intine kabeh uwong kuwe nduwe cerita dewek-dewek. Bisa motivasi awake dewek, angger ora bisa motivasi awake dewek ya ngisin-ngisina nemen. Tapi ning krungu tentang motivasi pasti aku kelingan karo cerita kiye kyeh. Sing ngarang sih embuh sapa, tapi ceritane kaya kiye:

Pas nang acara motivasi, motivatore ngomong: "Tahun-tahun terbaik dalam hidupku ku habiskan bersama seorang wanita yang bukanlah istri ku."

Terus penontone pada meneng, mikir, ning ora karo bojone terus karo sapa?

Motivatore nglanjutna omongane sing mau "Ia adalah ibuku."

Otomatis penontone langsung pada tepuk tangan "Prok!...Prok!..Prok!!!"

Lha si Juki (Aran samaran) sing bar melu acara kuwe langsung mraktekna kaya kuwe nang umah owh. Pas bar mangan bengi karo bojone nang dapur, Si Juki Langsung ngomong nang ngarepe bojone "Tahun-tahun terbaik dalam hidupku ku habiskan bersama seorang wanita yang bukanlah istri ku", bar ngomong kuwe si Juki langsung mesem-mesem mbayangna bojone bakal kagum karo deweke.

Tapi bojone kederen, terus mbatin "Maksude apa? Ning ora karo aku terus karo sapa! Mesti selingkuh kyeh! Kurang ajar nemen sih?!!"

Jebule si Juki klalen kelanjutane apa, akhire merem eling-eling apa donge lanjutan omongane motivator pas mau. Terus ngomong dewek nang batin "Ning ora karo bojone aku dewek terus karo sapa ya?". Ngerti-ngerti pas matane dibuka jebule deweke wis nang Rumah Sakit lagi dirawat gara-gara disiram banyu panas daning bojone.

   Sing kudu di pahami kuwe angger pan nurun, aja kur cuma bisa Copy tok tapi ora bisa Paste. Daning aku dadi ngajari sing ora bener yah.

Priben donge sih?

Pelem

  Kiye cerita lagi aku pas cilik, angger dadi bocah maning pasti pada kelingan maning pelem karo pentil owh ya. Dong pas musime pasti pada nyolongi nang tangga-tanggane dong nang umah laka wit peleme. Dipataki atawa nganggo panahan dipanahi ben pada tiba peleme trus go rayahan. Trus angger esih pentil ngko di gepuk. Ning kelingan kaya kuwe pasti gawe ngiler sung, kecut rasane tapi pada dokoh.

  Lha kiye ceritane kan pas nyolong pentil kuwe aku ora keduman, soale esih paling cilik dibandingna kanca-kancane. Dong rayahan pentil sing tiba dipataki ya ketinggalan. Pada suatu saat balik magriban, pas lagi mlaku enyong weruh pentil kemruyek nemen nang ngarep umahe pak Kaji, angger dipatak tah mesti kena. Mumpung sepi terus dalam rangka balas dendam pas rayahan ora keduman. Enyong langsung golet watu sing akeh, trus langsung tak patakna bae belih. Sing pertama ngepong, sing keloro kena tapi kur goyang tok laka sing tiba siji-sijia, barang sing ketelu tak patakna, pentil sak grombol tiba kabeh..."bruk,,bruk,,bruk!". Aku ndelengna pentil sing tiba jebule akeh nemen wedi, akhire ora sida njukut siji-siji acan langsung mlayu bae. Balik langsung mlebu kamar. Kringet atis metu gemrojos, jantunge kenceng nemen owh "dag, dig, dug, dag, dig, dug" ora kebayanglah ning konangan sing nduwe priben. Trus pas isya di kongkon sholat isya maning mushola akhire ya emoh, soale engko lewat dalan sing pentile tiba akeh nemen mau sih. Sholat isyane nang kamar, bar kuwe langsung turu bae.

   Esuk-esuke pas balik sekolah jebule ana pentil limang iji nang meja makan, barang tak deleng-deleng kayonge pentil sing lagi bengi tak patak yah. Enyong takon bapane, "Abah, kae pentil olih diwei sapa?" apen-apene ora ngerti. Bapane aku jawab owh, "mau pak Kaji bagi-bagi pentil maning tangga-tangga, jare pentile tiba akeh nemen daning angin". "Owh, kaya kuwe" enyong njawab ngono padahal nang atine, alhamdulillah, alhamdulillah jebule ora konangan.

 Dong saiki dipikir-pikir kan, pas waktu kuwe pengen pentil tapi barang dipatak jebule sing tiba akeh nemen malah wedi, kan aneh. Sejen karo wong korupsi ning diwei akeh malah kuwe sing di goleti. Tapi ya asline pada bae nyolong, laka sing apik.

Iya apa belih?

  

Friday Pray (diwaca: Jumatan)

   
   Ceritane lagi nang negara jiran kyeh, sing sering gawe geger karo Indonesia. Pas sholat jumat mau cerita udan deres tapi kur pas adzan sampe salam tok. Ajib nemen owh ya...udan kur pas sholat tok, padahal terang nemen sung sak durunge sholat. Pancen tanggane Indonesia kiye dong masalah cuaca kiye rada ekstrim. Sing awite terang laka limang menit be bisa berubah udan deres sung.

   Balik maning cerita sholat jumat, gara2 udan kuwe mau aku dadi kelingan pas sholat jumat nang Semarang. Mbuh gara2 apa bisane aku dadi kelingan maning cerita kiye. Padahal ora nyambung babar blas karo udan mau awan. Sing pada kur waktune tok, pas jumatan. Ceritane aku duwe kanca telu, bocah-bocah kuwe dong pan mangkat jumatan mesti ngenteni khotbah mulai. Dong krungu khotbah nembe mulai pada adus owh. Pokoke adong saben jumatan mesti kaya kuwelah. Soale kadiran masjide perek, kur kacek enem umah dadine kaya kuwe. 

   Lha suatu saat, pas sholat jumat khatibe ora mangkat, trus ora konfirmasi karo pengurus masjide. Khatib cadangane ya pada bae ora mangkat. Bocah-bocah kuwe kan ora pada ngerti ning khotibe laka. Esih nyante-nyante bae owh ning umah. Padahal pengurus masjide keder kelabakan khatibe laka kabeh. Akhire ana pak Kaji sing rada dituwakna ning kono dikon khotbah daning pengurus masjide. Usulane pengurus masjide pak Kaji mei khotbah secuil mbuh apa. Pokoke khotbah eben sholat jumate sah. 

   Pak Kajine akhire mei khotbah owh, tapi khotbahe secuil nemen laka lima menit. Kira-kira khotbahe kaya kiye "Assalamualaikum, dikarenakan khatibnya tidak bisa hadir maka saya gantikan. Rukun Islam itu ada lima perkara, yang pertama syahadat, kedua sholat, ketiga puasa, keempat zakat, dan terakhir haji. Oleh karena itu sebagai umat Islam kita harus melaksanakannya. Wabillahitaufik wal hidayah wassalamualaikum warahmatullahi wabarakatuh." Lha sing geger kuwe sing nang umah, aku ladi pan adus nembe mlebu kamar mandi di gedor-gedor lawange. "Gagian sholat jumate wis pan mulai!" akhire aku ora sida adus, kur njukut wudu tok owh. Sarungan trus mlayu nang mesjid. Aku metu karo sing ngedog-ngedog lawang, sing ngedog lawang wudune nang mesjid. Lha kancane aku sing loro, sing siji nembe mlebu kamar mandi lagi pas tak tinggal. Sing sijine esih udud, jare tah kebelet nguyuh tapi kan kamar mandine esih dienggo.  Akhire sing siji ora melu jumatan sing sijine telat, ketinggalan sak rokaat.

  Kaya kuwe ceritane, angger gawe gemuyu ya alhamdulillah, angger dianggep biasa-biasa bae laka menarike ya ora apa-apa. Aku sih sing penting nulis. Mbokan ana bakat dadi penulis.

Iya apa belih?

Ayam karo Sapi

   Awan mau enyong mangan lawuhe endog dadar karo jangan sop. Lagi enak-enake mangan kelingan karo cerita sing tau krungu nang radio. Ceritane ayam karo sapi, kelingan ceritane lucu nemen tapi tak eling-eling ora kemutan pastine jalan ceritane kepriben. Akhire mumpung ana internet tak googling bae nang internet. Golet-golet nang internet akhire nemu juga. Ceritane kaya kiye kyeh:

Sore-sore nang peternakan sing kadohan, katon ana ayam karo sapi. Kayonge tah lagi ngobrol, jajal di pereki bae yuh lagi pada curhat apa donge.

Ayam: Aseem, enyong sewot nemen karo menungsa kyeh.

Sapi: Emange sewot kenang apa Yam?

Ayam: Masa, pas lagi enak-enak notoli beras nang dapur, nembe mangan secuil durung wareg durung acan ujug-ujug diusir. Padahal kan, saben dina menungsa mangani endoge aku. Kanca-kancane aku ya pada disembelehi dipangan daginge. Apa enyong ora sewot, njengkeli nemen sung.

Sapi: Ndarani kowen tok sing sewot karo menungsa Yam?? Enyong luwih sewot Yam.

Ayam: Sih sewot kenang apa Pi?

Sapi: Njajal  kowen bayangna owh, saben dina susune enyong dielus-elus, dipencet-pencet, diremes-remes,,,tapi nyong ora tau dijak mbojo. Sakiittt, batine enyong lara nemen kyeh. dasar manungsa durjana!!!

Cerita sore selanjute:

Sore-sore sapi weruh ayam lagi ngedumel nang pojokan. Terus sapi mereki owh, ceritane pengen ngerti ana apa karo ayam.

Ayam: Dasar manungsa, mahluk paling egois sak dunya!

Sapi : Sih bisane kowen ngomong kaya kuwe Yam?

Ayam: Deleng owh, saben dina aku ngendog pasti dijukuti. Enyong kan pengen duwe keturunan juga, tapi endoge dipangani terus.

Sapi: Hayah,,,nembe kaya kuwe be wis ngedumel.

Ayam: Sih bisane kaya kuwe, maksude kowen priben?

Sapi: Kowen nembe kaya kuwe, saben dina susune aku dinung daning manungsa tapi laka siji-sijia menungsa sing ngundang aku simbok.

Ayam: !@#$%^&**

Cerita kiye disadur sing internet, tapi asal muasale aku nulis kiye gara-gara tau krungu nang radio.

Judule Laka

   Pas puasa wingi aku bar lunga sing Semarang, biasa owh numpak sepur kaligung. Kaligung kuwe ana telung kelas sing pertama eksekutif, trus bisnis, sing terakhir ekonomi. Angger numpak eksekutif Tegal - Semarang kena 50 ewu, eksekutif nang kene diaranine kaligung mas, angger bisnis 25 ewu, nang kaligung mas gerbonge eksekutif karo gerbong bisnis. Dadi sing pan nganggo tinggal milih pengen eksekutif apa bisnis angger tempat duduke esih ana. angger ekonomi luwih murah maning kur 15 ewu. Kelas ekonomi murah nemen sung, bayangna bae wis angger ente numpak motor sing irit nemen be Tegal - Semarang bensine enteke sekitar 3 literan, sak liter saiki 4500. Jajal owh pingna telu anjuge 13500, durung kesele. Numpak bis apa maning bis sing ekonomi bae saiki njaluke 28ewu. Bis eksekutif 36 ewu, bis karo sepur waktu sing ditempuh pada bae, mung unggule numpak bis kuwe bisa kapan bae ora dijadwal. Numpak sing pinggir dalan ya langsung ana. Angger sepur tah ana jadwale, angger telat ya ketinggalan. 

   Pas mangkat sing Tegal tah ayem-ayem bae numpak sepur ekonomi, sepi. Trus nyaman jalane ya kepenak. Bar anjug Semarang kan aku nginep owh telung dina nang kancane, tapi dijak balik bareng daning kancane tapi dina ke papat. Akhire ya wis bareng bae lah karo kancane. Pas kuwe seminggu maning bada, dadine nggo jaga-jaga arus mudik mangkat maning stasiune rada diesuki. Sak durunge subuhan langsung owh mangkat maning stasiun Poncol. Kan rancanane subuhan nang kono trus numpak sepur ekonomi sing jam 6. Pas anjug stasiun jebule ana bae sing wis antri. Sekitar enem uwongan lah sing wis antri, padahal lokete durung buka. Aku melu antri owh akhire. Aku takon karo ngarepe aku "sampeyan esuk nemen antrine". Wonge jawab, "iya antisipasi mbokan rame sih." Lagi enak-enak ngobrol jebule ana satpam loro teka, sing siji nempel pengumuman nang kaca loket, sing sijine ngomong maning wong-wong nang antrian "maaf, kereta kaligung ekonomi yang jam 6 dibatalkan." Mangkel nemen belih krungu kaya kuwe, wis sengaja teka esuk-esuk jebule sepure laka. 

   Priben donge sih! 

  Mbokan ana sing pan dolan maning Semarang atawa balik maning Tegal, kyeh tak wei jadwale:

#Sing Tegal (Stasiun Tegal)

Jam 04.40 (Bisnis)

Jam 05.20 (Mas)

Jam 09.30 (Ekonomi)

Jam 13.15 (Bisnis)

Jam 17.10 (Ekonomi)

#Sing Semarang (Stasiun Poncol)

Jam 05.50 (Ekonomi)

Jam 08.35 (Bisnis)

Jam 13.00 (Ekonomi)

Jam 16.30 (Mas)

Jam 17.00 (Bisnis)

Enyong, Inyong, apa Aku

   Bengi kiye ceritane aku lagi keder kyeh, sing bener kata ganti wong pertama nang bahasa Tegalan sing bener kepriben sih? Nganggo enyong, inyong, apa aku?

   Ning sak kelingane aku tah awit cilik ora tau krungu wong daerahe aku dewek ngomong "inyong" nggo kata ganti wong pertama, luwih sering krungune "enyong". Kata "enyong" be dienggo jarang nemen. Sering krungune nganggo kata ganti "aku", kata "enyong" metune dong nang percakapan kanggo negesna hal-hal tertentu, contone: enyong apa kowen?; ader enyong?; enyong pan lunga disit ya. Telu kuwe kyeh contone, dibahas siji-siji ya. Nang conto pertama "enyong apa kowen?" kata "enyong" dienggo nggo negesna sing nglakoni sapa. Conto nomer loro "ader enyong?" kata "enyong" esih dienggo nggo negesna sing nglakoni tindakan sapa. Sing terakhir conto nomer telu "enyong pan lunga disit ya." kata "enyong" esih pada bae dienggo negesna sing nglakoni tindakan sapa, nang conto nomer telu enyong negesna bahwa si enyong pan  lunga. Dadi tak simpulna "enyong" kuwe dienggo nggo negesna tindakan sapa sing nglakoni.

   Analisis kuwe tah analisis ngawag sing enyong dewek tapi mbokan ana sing pengin nambahi apa mbenerna ya monggo. Soale tiap daerah sejen-sejen bahasane. Ning aku asline Tegal, terus nang daerahe aku seringe nganggo "aku" nggo percakapan saben dina. Tapi ya, "enyonge" kadang-kadang esih sering katon sih. Aku dewek be durung nemu asal kata "enyong" kuwe metune sing endi, kudu berguru maning sing ahli bahasa kyeh. Eben tambah ngerti daerahe dewek, jare kan angger ora kenal ora sayang.

Iya apa belih?

"Asli Tegal"

   Minggu wingi pas ana acara nang kampus, ana sing kenalan karo aku nang kampus. Pertama-tama sih ngobrol ngalor ngidul ngetan ngulon ora jelas. Rada suwe akhire aku takon-takon wis kerja durung, kerja nang ndi, akhire enyong takon sampeyan asale endi. Wong kuwe jawab ning deweke kuwe asli kalimantan, tapi SMP  sampe kuliah neng Jawa. Terus akhire wong kuwe takon balik aku dewek asline endi,  tak jawab "Asli Tegal", eh wong kuwe ngulangi omongane aku  "Asli Tegal" karo mesem-mesem. Tapi pas ngomong "Asli Tegal" seolah-olah ana tambahan konsonan "h" antarane konsonan "g" karo vokal "a" terus rada di mandegna pas konsonan "g". Dadine kata "Tegal" pengucapane dadi "Teg'ghal". Aku dewek sing krungu rada aneh tapi ya pan belih lah. Tak anggep bae wong kuwe korban iklan, iklan pas mbiyen kae loh, iklan permen hex*s ning belih salah.

   Angger wong takon "kamu asli mana?" terus di jawab "Asli Tegal" bisane wong-wong pada ngguyu yah?. Padahal sebenere laka sing lucu apa maning salah nang percakapan kuwe, dialek wong Tegal memang kaya kuwe. Pada bae kaya wong Betawi sing nganggo "p" ning ngujar "f" contohe: Nafkah dadi Napkah, terus kaya wong sekitar Jogja atawa Solo dong ngujar "b" nang ngarep dadi "mb", contohe: Bantul dadi Mbantul. Kancane aku tau curhat maning aku. Kancane aku kuwe curhate bisane angger enyong ditakoni  asline endi terus dijawab asli Tegal pada gemuyu yah? Padahal aku pas jawab "Tegal" ora medok sung, tapi malah dimedok-medokna daning sing takon. Pada ora ngrasa apa? dewek be Jawane jawa medok. Curhatane kuwe kur tak jawab, Wislah pan porakna bae. Pancen kaya kuwe uwong-uwong, akeh sing ora ngrasa. Ning jare aku kaya kuwe tah tak anggep wajar bae, malah gawe aku seneng. Soale dadi katon ning Indonesia kuwe sugih budaya. 

Iya apa belih?