Restoran

Sawise ngobrol ngalor-ngidul, ngetan-ngulon soal bisnis akhire Paijo karo Darmo mutusna pan dodolan panganan. Rencanane buka restoran seafood, soale nang desane durung ana sing buka restoran seafood. Restorane diarani PD Restoran. Nembe telung wulan buka wis berkembang pesat restorane. Saben dina rame terus, akeh sing tuku. Tapi sayange, rame kaya kuwe tapi wis ping pindo restoran PD di rampok daning maling.   Duite digondol maling. Akhire Paijo karo Darmo diskusi priben carane eben ora terulang dirampok maning.

*)P= Paijo, D=Darmo

D: "Jo, Restorane dewek wis ping pindo kyeh dirampok"

P: "Iya Mo, priben kuwe Mo, ana usul belih ben restorane dewek ora bisa dirampok maning?"

D: "Pasang CCTV bae priben Jo?"

P: "Larang kuwe Mo, aja nganggo CCTV nganggo satpam bae priben? Kan luwih murah terus ana penjagaan langsung."

D: "Tumben ente pinter Jo, Iya wis nganggo satpam bae. Timbang CCTV, satpam luwih efektif tur murah."

P: "Iya Mo, Bener. Yuh gagian pasang iklan nang koran golet satpam."

D: "Tumben nemen sung ente bener mikire tur lancar ngatasi masalah kaya kiye Jo."

P: "Ya iyalah Mo. Enyong kan pinter, ader kowen???"

D: "Tapi aku esih heran Jo, bisane restorane dewek dirampok yah. Padahal kan nembe minggu wingi kerampokan. Apa ora wedi yah malinge?"

P: "Kuwe salahe ente Mo."

D: "Sih bisane?"

P: "Lha ente kan sing masang papan trus ana tulisane "Silahkan Datang Kembali", padahal aku kan wis ngomong dicopot bae papane Mo...dicopot, tapi ente maksa bae dipasang.

D: "!@#$%^&...Paijo...Paijo...."

Nginung Ciu

Bar sholat Isaya nang mushola desa, Paijo karo Darmo langsung mangkat maning umahe Kiyaine. Ceritane pan pada ngaji. Umahe pak Kiai karo mushola jarake lumayan adoh, sekitare 10 menitan dong mlaku. Kan, dalan sing maning umahe Kiyaine mung-munge ana siji tok terus nglewati kuburan disit. Saking lagi kiyeng-kiyenge ngaji, Paijo karo Darmo ora peduli mbuh lewat kuburan mbuh apa. Pokoke kudu mangkat ngaji. Lha pas nyampe nang kuburan jebule Paijo karo Darmo ketemu sak gerombolan preman, sekitare wong lima lagi pada nginung-nginung ciu nang ngarepe kuburan. Otomatis Paijo karo Darmo apen-apen ora weruh, wedi mbokan di jaluki duit. Jalan bae karo ngobrol tapi ngobrole lirih, kaya lagi wisik-wisikan:

*) Paijo= P, Darmo= D

P: "Mo, ning wong wis pada teler kaya kuwe ora pada wedi yah? Kuburan mbuapa ya nggo tempat teler."

D: "Ya, iyalah...kan wis pada dadi kancane setan."

P: "Heran ish.."

D: "Nang Islam nginung ciu kowe ora olih, tapi dasar wong-wong kuwe kancane setan, wis ora olih ya tetep bae dilakoni."

P: "Iya aku kelingan, pak Kiai tau nerangna pas ngaji tapi aku klalen. Surat apa yah Mo? Sing ayat nomer sangangpuluh."

D: "Kowen tah klalenan."

P: "Kowen kelingan Mo,,gagian sing kaya apa yah...Tuman kyeh pan tak domongi wong-wong kuwe."

D: "Surat Al Maidah ayat sangangpuluh."

P: "Sing monine priben Mo?"

D: "Hai orang-orang yang beriman, sesungguhnya meminum khamar, berjudi, berkorban untuk berhala, mengundi nasib dengan panah, adalah perbuatan keji termasuk perbuatan setan..."

P: "Hob...Hob... iya Mo,,aku wis kelingan."

D: "Sung, wis kelingan?"

P: "Uwis Mo."

Bar kelingan Paijo langsung owh, balik putar balik maning gerombolan preman mau. Langsung owh,,ngomong:

*) Paijo= P, Preman-Preman= Pr

P: "Heh, kowen-kowen kabeh,,,Ora pada ngerti dosa ya???"

Pr: "???"

P: "Hai orang-orang yg beriman janganlah kalian meminum minuman keras karena itu adalah minuman setan..."

Pr: "Terus kenang apa?!!"

Paijo wedinen di bentak daing salah sijine preman, padahal durung pragat ngomonge.

P: "enyong durung pragat ngomonge, aja kaya kuwe owh..."

Pr: "Eh, wani yah"

Saking wedine, Paijo langsung mlayu...karo mlayu lanjutna omongane mau."

P: "Hai orang-orang yg beriman janganlah kalian meminum minuman keras karena itu adalah minuman setan,dan apabila kalian meminumnya terus menerus nanti setan minum apaan?"

Pr: "!@#$%$%^&?!!!"

Paijo karo Darmo (2)

*) Paijo= P    Darmo= D
Ceritane Paijo bar maca berita nang internet bahwa 1 dari 12 orang nang Indonesia terjangkit AIDS. Bar maca berita kuwe Paijo langsung praktek owh.
P: Mo, ente pasti kena AIDS owh ya?
D: Ngawag, ngerti sing endi ente Jo?
P: Soale aku maca berita nang Internet, 1 dari 12 uwong Indonesia kuwe terjangkit AIDS.
D: Terus, bisane ente nyimpulna aku kena AIDS? Hubungane apa karo berita kuwe?
P: Soale aku wis takon maning 11 uwong, terus laka sing kena AIDS. Berarti ente sing kena AIDS, soale ente wong nomer 12 sing tak takoni.
D: Paijo...Paijo....Mbuh bae lah, sak karep...karepmu...

Paijo karo Darmo

*)Paijo= P   Darmo= D


Cerita Hantu
P: Mo, kowen ngerti belih Mo? lagi bengi aku ketemu karo setan.
D: Belih ngerti, Mbuh bae.
P: Aja kaya kuwe owh Mo, enyong kan pan cerita.
D: Iya-iya, dih melasi nemen. Wis owh lanjut ceritane.
P:  Lagi bengi enyong ketemu kuntilanak Mo.
D: Nang ndi?
P: Nang jembatan Mo, lagi njagong.
D: Mesti bar kuwe kowen mlayu, wedinen trus nguyuh nang katok.
P: Ya ora lah Mo.
D: Loken???
P: Malah kuntilanake sing wedinen weruh aku koh.
D: Kowen ngerti sing endi,kuntilanake wedinen karo kowen Jo?
P: Wong aku ndeleng raine kuntilanake pucet nemen koh pas weruh aku.
D: Paijo...Paijo....@#!$%^&

Motivasi

   Dina kiye kan ana Mario Teguh nang tipi. Wong Indonesia sing esih bujang biasane ngerti sing arane Mario Teguh kuwe sapa. Tapi sing gawe aneh sing ngerti ya bisane rata-rata kur cah enom ya??? Apa jangan-jangan cah enom nang Indonesia kuwe ora bisa motivasi awake dewek? Kudu nonton acarane Mario Teguh, kayonge angger ora nonton kaya ana sing kurang. Apa kanggo bandingan, apa kur nggo ngehibur awake dewek. Sing luwih aneh, padahal kan wis pada gede, bujang, wong-wong kuliahan lah rata-rata sing nonton. Angger bar nonton ya cerita-cerita maning endi-endi. Padahal sing diceritani, pada bae nontone. Dadi kelingan kaya pas lagi cilik nonton film satria baja hitam atawa ultramen, Karo kancane cerita-cerita "iya apik nemen yah, apa maning pas lagi berubah karo lawan musuhe, Ciat-ciat!". Padahal sing di ceritani ya pada bae nonton.

   Angger ndeleng kancane aku sing kaya kuwe sering gemuyu dewek enyong sung. Ning pan mulai atawa pas lubar acarane, mesti ana bae nang facebook atawa twitter sing nulis status-status aneh tentang acara kuwe, pan nonton lah, ora bisa nontonlah, acarane apik dadi nambah motivasi apa bae lah. Pokoke kayonge kurang gaul lah ning ora update status tentang acara motivasi kuwe.

   Angger enyong tah nonton ora nonton ya pan belih bae, sing penting urip, sehat, sukses, pokoke intine kabeh uwong kuwe nduwe cerita dewek-dewek. Bisa motivasi awake dewek, angger ora bisa motivasi awake dewek ya ngisin-ngisina nemen. Tapi ning krungu tentang motivasi pasti aku kelingan karo cerita kiye kyeh. Sing ngarang sih embuh sapa, tapi ceritane kaya kiye:

Pas nang acara motivasi, motivatore ngomong: "Tahun-tahun terbaik dalam hidupku ku habiskan bersama seorang wanita yang bukanlah istri ku."

Terus penontone pada meneng, mikir, ning ora karo bojone terus karo sapa?

Motivatore nglanjutna omongane sing mau "Ia adalah ibuku."

Otomatis penontone langsung pada tepuk tangan "Prok!...Prok!..Prok!!!"

Lha si Juki (Aran samaran) sing bar melu acara kuwe langsung mraktekna kaya kuwe nang umah owh. Pas bar mangan bengi karo bojone nang dapur, Si Juki Langsung ngomong nang ngarepe bojone "Tahun-tahun terbaik dalam hidupku ku habiskan bersama seorang wanita yang bukanlah istri ku", bar ngomong kuwe si Juki langsung mesem-mesem mbayangna bojone bakal kagum karo deweke.

Tapi bojone kederen, terus mbatin "Maksude apa? Ning ora karo aku terus karo sapa! Mesti selingkuh kyeh! Kurang ajar nemen sih?!!"

Jebule si Juki klalen kelanjutane apa, akhire merem eling-eling apa donge lanjutan omongane motivator pas mau. Terus ngomong dewek nang batin "Ning ora karo bojone aku dewek terus karo sapa ya?". Ngerti-ngerti pas matane dibuka jebule deweke wis nang Rumah Sakit lagi dirawat gara-gara disiram banyu panas daning bojone.

   Sing kudu di pahami kuwe angger pan nurun, aja kur cuma bisa Copy tok tapi ora bisa Paste. Daning aku dadi ngajari sing ora bener yah.

Priben donge sih?

Ayam karo Sapi

   Awan mau enyong mangan lawuhe endog dadar karo jangan sop. Lagi enak-enake mangan kelingan karo cerita sing tau krungu nang radio. Ceritane ayam karo sapi, kelingan ceritane lucu nemen tapi tak eling-eling ora kemutan pastine jalan ceritane kepriben. Akhire mumpung ana internet tak googling bae nang internet. Golet-golet nang internet akhire nemu juga. Ceritane kaya kiye kyeh:

Sore-sore nang peternakan sing kadohan, katon ana ayam karo sapi. Kayonge tah lagi ngobrol, jajal di pereki bae yuh lagi pada curhat apa donge.

Ayam: Aseem, enyong sewot nemen karo menungsa kyeh.

Sapi: Emange sewot kenang apa Yam?

Ayam: Masa, pas lagi enak-enak notoli beras nang dapur, nembe mangan secuil durung wareg durung acan ujug-ujug diusir. Padahal kan, saben dina menungsa mangani endoge aku. Kanca-kancane aku ya pada disembelehi dipangan daginge. Apa enyong ora sewot, njengkeli nemen sung.

Sapi: Ndarani kowen tok sing sewot karo menungsa Yam?? Enyong luwih sewot Yam.

Ayam: Sih sewot kenang apa Pi?

Sapi: Njajal  kowen bayangna owh, saben dina susune enyong dielus-elus, dipencet-pencet, diremes-remes,,,tapi nyong ora tau dijak mbojo. Sakiittt, batine enyong lara nemen kyeh. dasar manungsa durjana!!!

Cerita sore selanjute:

Sore-sore sapi weruh ayam lagi ngedumel nang pojokan. Terus sapi mereki owh, ceritane pengen ngerti ana apa karo ayam.

Ayam: Dasar manungsa, mahluk paling egois sak dunya!

Sapi : Sih bisane kowen ngomong kaya kuwe Yam?

Ayam: Deleng owh, saben dina aku ngendog pasti dijukuti. Enyong kan pengen duwe keturunan juga, tapi endoge dipangani terus.

Sapi: Hayah,,,nembe kaya kuwe be wis ngedumel.

Ayam: Sih bisane kaya kuwe, maksude kowen priben?

Sapi: Kowen nembe kaya kuwe, saben dina susune aku dinung daning manungsa tapi laka siji-sijia menungsa sing ngundang aku simbok.

Ayam: !@#$%^&**

Cerita kiye disadur sing internet, tapi asal muasale aku nulis kiye gara-gara tau krungu nang radio.